വർഷങ്ങൾക്കു ശേഷം വീണ്ടും ഒരു ഹൈക്കു കവിത ....

എന്നിലെ ഹൈക്കു വരണ്ടു പോയ് !!!മനസ്സിൽ നിന്ന് സ്നേഹത്തിന് നീരുറവ നിലച്ച നാൾ മുതൽ ...........

haiku poem..

താലി ചരടെ നീ 

എന്നെ നൂൽ പാവയാക്കി ........

ഹൈകു കവിത ....

നിൻ മിഴികളിൽ കാണുന്നു
 ഞാൻ എന്റെ  ലോകം
നിൻ മൊഴികളിൽ കേൾകുന്നു
ഞാൻ എന്റെ സ്വപ്നം ....

തണുത്തുറഞ്ഞ ,
തറയില്‍ സ്പര്‍ശിക്കാന്‍
എന്റെ പാദങ്ങള്‍ക്കു മടി...
കുളിരേകുന്ന പുലരിയില്‍
എഴുന്നേല്‍ക്കാനെന്‍
മെയ്യിനുണ്ടലസത...
മനസ്സിലിരുന്നാരോ മന്ത്രിച്ചു
ഉറങ്ങൂ ഇനിയുമിത്തിരി കൂടി...
                                 ഷംന ഹസ്സൻ

മാതാവ്‌ .....(ഹൈക്കു കവിത )

അളവുറ്റ സ്നേഹവും

വെമ്പുന്ന ഹൃദയവും

നിറയുന്ന മിഴികളും        

മാതാവിനു തന്നെ .........

തടസ്സങ്ങൾ ....

തടസ്സമേ, എന്തിനെന്നെ
നീ തെരഞ്ഞെടുത്തു ...?
തടസ്സമാം കണ്ണികളാല്‍
വിഘ്‌നങ്ങള്‍ തീര്‍ത്തു..?
വരിഞ്ഞുമുറുക്കിയെന്‍ ജീവിതത്തെ
വ്രണങ്ങള്‍ തീര്‍ത്തുവെന്‍ മനസ്സില്‍
നീറും വ്രണങ്ങളെ പുച്ഛിച്ചു ഞാനരുളി
ഹേ, തടസ്സമേ,
ഇതിലും തീവ്രമാണെന്‍ മനോധൈര്യം.........

വഴിയരികിലെ കുട്ടി

എന്തു  പേര്‍ ചൊല്ലി വിളിക്കും നിന്നെ ഞാന്‍
എന്‍ മനസ്സിന്‍ പൊന്നോമന പുത്രിയെന്നോ ??
നിറ കണ്ണുമായ് നില്‍ക്കും നിന്‍ കുഞ്ഞു വദനം
നീറുന്നൊരോര്‍മ യായ് നിറയുന്നു എന്‍ മനം .......

അവസാന ശ്വാസം

വറ്റാത്ത ഉറവകള്‍ വറ്റി വരണ്ടു
ഭൂമി തന്‍ നിശ്വാസം ചുടുകാറ്റായ് ഉയര്‍ന്നു
അവസാന ശ്വാസം വലിക്കുന്ന മര്‍ത്യന്റെ
ഉടല്‍ പോലെ മാമരം ഞെട്ടിയുലഞ്ഞു

ശിശു

ശിശുവായ്‌  ജനിച്ചവന്‍ ശിശുവായ്‌ മരിക്കുന്നു :(

കഥ പറഞ്ഞ മിഴികള്‍ ....

 ..

 

തീഷ്ണമായ നിന്‍ കണ്ണുകള്‍ക്കെന്തോ
എന്നോട് പറയാനുണ്ടായിരുന്നു
പറയാന്‍ മറന്ന പരിഭവമോ?
അതോ പറയാന്‍ മറന്ന കഥയോ?
എപ്പോഴും നിന്‍  തവിട്ടു നിറമുള്ള കണ്ണുകള്‍
എന്നെ  കാന്തിക ശക്തിയാല്‍
ആകര്‍ഷിച്ചു കൊണ്ടേ യിരുന്നു...
നിന്‍ തിളക്കമുള്ള കണ്ണുകള്‍
ഒരു വജ്രമെന്ന പോലെ
തിളങ്ങിയിരുന്നു...!
നിന്‍ കണ്ണുകളില്‍ നോക്കിയ മാത്ര
ഞാന്‍ മാസ്മരികതയില്‍ അകപ്പെട്ടു
ഇനിയും നിന്‍ മിഴികളെ
ഒരു നോക്കു കാണുവാന്‍
ഞാന്‍ കാത്തിരിപ്പൂ .....!

പ്രവാസി

നാടുകള്‍ താണ്ടിപ്പോയ് ..
കാലങ്ങള്‍ കടന്നുപോയ് ..
ഓര്‍മ്മകള്‍ മറന്നുപോയ്‌ ..
മരണത്തെ അടുത്തുപോയ്‌ ...

സഖേ...

വൈകി വന്ന നീ എന്തേ മറന്നു പോയ്‌ ..
ഒരായിരം ദിനങ്ങളായി കാത്തിരുന്നത് ഞാന്‍
അല്ലയോ സഖേ ഇത്രയും നാള്‍ നീ
കണ്ടില്ലെന്നു നടിച്ചതോ  അതോ ..!?
എത്രനാള്‍ കൂടി ഞാന്‍ കാത്തിരിക്കുമെന്ന്
ചിന്തിച്ചിരുന്നു പോയതോ നീ ........?

ഒരു വരി കവിത ..........

എരിയുന്ന അഗ്നിപോലെ വിങ്ങുന്നു എന്‍ മനം
സ്പന്ദനം നിലച്ച ഹൃദയവും
പ്രണയം മരിച്ച മനവും ഒരു പോലെ ...

നിദ്രയെ തേടി ...

രാത്രിയേറെയായിട്ടും എന്റെ മിഴികള്‍
നിദ്രയെ തേടി അലയുന്നു...
അലഞ്ഞു കൊണ്ടേയിരിക്കുന്നു ...
എല്ലാ വിജന വഴികളില്‍ കൂടിയും...
നീ കണ്ടോ അവള്‍ എവിടെ ആണെന്ന് ?
ഞാന്‍ ശങ്കിച്ചു പോകുന്നു....
അവളെന്നെകണ്ട മാത്രയില്‍
ഒളിച്ചിരിപ്പാണോ എന്ന് !!!
എന്‍ മനം കൊതിച്ചിടുന്നു
ഗാഢ നിദ്രയെയിപ്പോള്‍...
കൊതിക്കുന്നു അവളെന്റെ
അരികില്‍ നില്പുണ്ടെങ്കില്‍ എന്ന് !
ഒരു പിടി കഥകള്‍ നല്‍കാം ഞാന്‍ ,
അല്ലെങ്കിലൊരുപിടികവിതകള്‍ ....
സഖീ, നീയെന്നരികില്‍ വന്നിരുന്നെങ്കില്‍...!

അപേക്ഷ

ഇരുണ്ട നാരി,നിന്‍
ചുരുണ്ട മുടിയില്‍
ഒരു റോസാ പുഷ്പം
ചാര്‍ത്തട്ടെ ഞാന്‍ .....!

മിഴി ഇങ്ങും മനം അവിടെയും .........

നമ്മുടെ "ഒറ്റവരി" യിലെ ഒരു പോസ്റ്റും അതിന്റെ കമന്റ്സും ആണ് ,,നമ്മുടെ ഗ്രൂപിനു തന്നെ അഭിമാനിക്കാവുന്ന മുഹൂര്‍ത്തങ്ങള്‍ ഉണ്ടായി...ഇതു പോലെ ആരോഗ്യപരമായ പോസ്റ്റുകളും കമന്റുകളും ഉണ്ടാകട്ടെ.... ഇനിയും വായിക്കാത്തവര്‍ക്കായി അതിന്റെ സ്ക്രീന്‍ ഷോട്ട്...

രാഗേഷ് നും സംഗീത് നും നന്ദി ......  :)

4 ഹൈകു കവിതകള്‍ ..

മായ കണ്ണാടി 
കിട്ടുമോ 
എന്റെ വരുംകാലം 
കാണുവാന്‍ ..............





മഴയുടെ ചുംബനങ്ങള്‍ 
എന്റെ മേനി 
ഏറ്റുവാങ്ങുമ്പോള്‍
ഒരായിരം സ്വപ്‌നങ്ങള്‍ 
കടന്നു പൊയീ .......




നിലക്കാത്ത ഓളവും 
ഒടുങ്ങാത്ത മോഹവും 
മരിക്കാത്ത സ്മരണയും 
ഈ ധരണിയില്‍  തന്നെ .............





നിദ്ര വരാറില്ലെന്നു കേഴുന്ന 
നിന്‍ മിഴികളില്‍ കണ്ടു ഞാന്‍ 
നിദ്രതന്‍ നിഴലാട്ടം ..........